ថ្ងៃ អាទិត្យ ទី ១៧ ខែ តុលា ឆ្នាំ ២០១០
(រូបថត ណារិទ្ធ)
ផ្លូវទំនប់សណ្តស្ទឹងព្រែកត្នោតកំពុងរងការគំរាមកំហែងពីទឹកជំនន់យ៉ាងខ្លាំង
រាជធានីភ្នំពេញ ៖ ផ្លូវទំនប់សណ្តស្ទឹងព្រែកត្នោត ដែលជាផ្លូវផង និងជាទំនប់ការពារទឹកជំនន់ភាគខាងលិចឆៀងខាងត្បូងរាជធានី ភ្នំពេញផងនោះ កំពុងរងការគំរាមកំហែងពីទឹកជំនន់យ៉ាងខ្លាំង ដោយសារតែរូងនាគរាប់រយផុយស្រួយ នឹងធ្លាយពន់ពេកណាស់ ហើយនៅព្រឹកថ្ងៃទី១៧ តុលា ២០១០ មន្ត្រីក្រសួងធនធានទឹក និងឧតុនិយម និងអាជ្ញាធររាជធានី កំពុងតែបញ្ជាគ្រឿងចក្រកាយលុបយ៉ាងសកម្ម។
ទំនប់សណ្តស្ទឹងព្រែកត្នោតលាតសន្ធឹងចាប់ ពីស្ពានទឹកថ្លា ផ្លូវជាតិលេខ៣ ដល់ស្ពានព្រែកជ្រៃ។ ទំនប់សណ្តស្ទឹងព្រែកត្នោត ត្រូវបានគំរាមកំហែង ដោយជំនន់ទឹកភ្លៀង ដែលធ្វើឱ្យមានការខ្វាយខ្វល់ពីអាជ្ញាធររាជធានីភ្នំពេញ និងក្រសួងធនធានទឹក និងឧតុនិយម ពីព្រោះផ្លូវទំនប់នេះ ពុំមានប្រព័ន្ធការពាររឹងមាំ ដូចផ្លូវទំនប់កប់ស្រូវ ដែលមានផ្លូវរឹងមាំជាងនោះទេ ទំនប់នោះមានការចាក់បេតុងយ៉ាងរឹងមាំគួរឱ្យកក់ក្តៅ។
ជាក់ស្តែងសំរាប់ឆ្នាំ២០១០នេះ ផ្លូវទំនប់សណ្តស្ទឹងព្រែកត្នោត ត្រូវបានគំរាមកំហែងដោយជំនន់ទឹកភ្លៀង មិនខុសពីរាល់ឆ្នាំនោះទេ ដែលក្នុងរយៈពេលប៉ុន្មានថ្ងៃកន្លងមកនេះ ទាំងអាជ្ញាធររាជធានីភ្នំពេញ និងក្រសួងធនធានទឹកបាននិងកំពុងត្រៀមលក្ខណៈក្នុងវិធានការទប់ ស្កាត់ការធ្លាយទំនប់សណ្តស្ទឹង និងជួយប្រជាពលរដ្ឋរស់នៅតំបន់ក្បែរៗនោះដែលងាយរងគ្រោះ៕
0 comments:
Post a Comment