ថ្ងៃ ពុធ ទី ១៣ ខែ តុលា ឆ្នាំ ២០១០
រូបភាពពីវ៉េបសាយបរទេស
តារាបង្ហាញម៉ូដប៉ារ៉ាហ្គាយ
តាមវ៉េប សាយកាសែត«ចូសុនអ៊ីលបូ» របស់កូរ៉េខាងត្បូង បានផ្សាយឱ្យដឹងថា នាងឡារីសសា រីហ្គេលមេ តារាបង្ហាញម៉ូដឈុតក្នុងដ៏ស៊ិចស៊ី ជនជាតិប៉ារ៉ាហ្គាយ បានក្លាយជាមនុស្សដ៏លេចធ្លោនៅក្នុងការប្រកួតបាល់ទាត់ពិភពលោក២០១០ តាមរយៈការបាត់ទូរស័ព្ទសៀតនៅសុដន់ និងសន្យាថាថតស្រាតប្រសិនបើក្រុមជំរើសជាតិរបស់ខ្លួនក្លាយជាជើង ឯកបាល់ទាត់ពិភពលោកឆ្នាំ២០១០។
បច្ចុប្បន្ននាងឡារីសសា អាយុ២៥ឆ្នាំ បានធ្វើនូវរឿងរ៉ាវដ៏ល្បីរន្ទឺជាថ្មីទៀត នៅពេលដែលក្រុមហ៊ុនស្វែងរកគូស្រករ «ស៊ូណូ» របស់កូរ៉េខាងត្បូងបង្ហើបឱ្យដឹងថា នាងឡារីសសា រីហ្គេលមេ ទើបចុះហត្ថលេខាប្រើប្រាស់សេវាកម្មរបស់ក្រុមហ៊ុនក្នុងការ ស្វែងរកគូអាពាហ៍ពិពាហ៍ឱ្យ ក្រោយពីទាក់ទងជាមួយក្រុមហ៊ុនតាមរយៈអ្នកស្គាល់ដែលធ្វើការនៅ ស្ថានទូតប៉ារ៉ាហ្គាយក្នុងទីក្រុងសេអ៊ូល ដោយបញ្ជាក់ថា នាងមានចំណាប់អារម្មណ៍ចំពោះបុរសអាស៊ីយ៉ាងខ្លាំង។
ក្រុមហ៊ុន «ស៊ូណូ» បានបង្ហាញរូបភាពនិងទិន្នន័យផ្ទាល់ខ្លួនរបស់នាងរីហ្គេលមេ នៅក្នុងវ៉េបសាយ រួមទាំងទទួលយកលិខិតស្ម័គ្រចិត្តពីបណ្តាបុរសដែលចាប់អារម្មណ៍។ បន្ទាប់មកនាងរីហ្គេលមេ នឹងធ្វើការជ្រើសរើសបុរសទាំងនោះក្នុងអំឡុងពេលដែលនាងធ្វើដំណើរទៅ កាន់កូរ៉េខាងត្បូងនៅខែក្រោយ។ សំរាប់់ឱកាសដែលនាងនឹងបានជួបស្នេហាពិតប្រាកដនោះហាក់ដូចជាមានភាព តានតឹងខ្លាំងណាស់ព្រោះនាងចេះនិយាយតែភាសាអេស្ប៉ាញ ដូច្នេះអ្នកដែលចង់ធ្វើជាកូនកម្លោះត្រូវតែចេះនិយាយភាសាអេស្ប៉ាញ៕
0 comments:
Post a Comment